أعرِضٌ اليوم عليكم صوراً من واقعنا

لمحات

من لحظات

نخالها عاديه ولن تؤثّر..... ولكنها.... لا .... سأترك" ولكنها" هذه لخيالكم الخصب ولأقلامكم البهيه لتعرض الآراء والأفكار.... لن أٌعلِّق على ما سأكتب... بل سأنتظر منكم التعليقات لتبادل الآراء بأمر الله.... وأسألكم الرأى فى الفكره فى حدّ ذاتها ... فإننى أملك منها ما يخص "هو و هى ".......... وما يخصّ " هى"..... وما يخصّ "هو".... إن راقت لكم أكملتٌ ... وإن لم يكن فأشكر تنبيهكم لى..... أجمل تحيه لكل من سيقرأ ويعلّق ,,, أو سيمرّ بصمت... وأتمنى ان أترك بسمه ولو صغيره على شفاه ولو فرد واحد فى هذا الفضاء أو خارجه...لنبدأ على بركة الله.....

                    (صوره 1)

      -: حبيبى... إيه رأيك ف فكرة الفستان دا؟....

      -: يا ستى.... بلا فكره بلا بتاع... إنتى بتصدقى برده ..ههههههههههههههههه

      -: استنى بس والله... قوللى.... إيه رأيك ف التصميم... ؟... هو أنا حاسه إن فيه حاجه مش مظبوطه.... بس هى إيه أنا مش عارفه....

     -: هههههههههههههههه أقولك أنا يا حبيبتى.. إنتى اللى مش مظبوطه...ههههههههههههه ..... حبيبتى.... إنتى بتصدقى إنك بتعرفى تصممى وكده؟..... ياستى ... سيبك من الكلام الفاضى دا وخليكى ف البيت والولاد أهمّ و أحسن... سلام يا حبيبتى

قال تصميم قال... هههههههههههه  ..... والله العظيم دى شغلانه........

                                       كليك

             (صوره 2 )

  -: بالهنا والشفا يا حبيبى... إيه رأيك بقى ف الأكل؟

  -: الله يهنيكى..... كويس..... أكل .... ماله يعنى؟

  -: إيه دا يا حبيبى... هو انت ما أخدتش بالك إنه مختلف النهارده...... دا انا مجرّبه طريقه جديده....

  -: صلّى على النبى يا شيخه..... أهو أكل وخلاص... وبعدين ما كلّها بتعمل أكل... هاتكونى إنتى يعنى بتعملى حاجه متميزه مثلاً يعنى؟..... هههههههههههههه  .....آه بقى وعايزانى أقولك طبّاخه بريمو بقى وكده ها؟...... هههههههههه أهو أكل وخلاص يا حبيبتى ..... نامى ربنا يهديكى

                                        كليك

               (صوره 3)

  -: أما أنا النهادره حصلّى حته موقف ف الشغل.... كـ....

  -: بس بس بس... إياكى تحكى حاجه... أنا جاى مصدّع وقرفان وتعبان وهلكان على الآخر.... شوفى بس هاناكل ايه إيه ولما أقوم من النوم ابقى ارغى زى مانتى عايزه ......

                                        كليك

 

 

 

 

               (صوره 4)

 -: صحّ النوم يا حبيبى... أعملّك الشاى؟

 -: هو انتى لسّه ما عملتيهوش؟..... مستنيه إيه ,,,, ياللا.......

 -: ايه دا..... إنت بتغيّر هدومك و رايح على فين؟...

 -: إنتى هاتحاسبينى ... رايح مطرح ما انا رايح... فين الشاااااااااى؟

 -: أهو قدامك يا حبيبى.... طب دا انا كنت فاكره إننا هانقعد مع بعض النهارده ....  كنت عايزه أتكلم معاك شويه.....

 -: لما آجى لما آجى......

 -: طب انا رايحه عند ماما....

 -: لا طبعاً..... إيه رايحه دى؟..... لما تبقى عايزه تروحى تقوليلى من قبلها وانا أبقى عامل حسابى....

 -: عامل حسابك على إيه بس.....

 -: أهو مش هاتروحى النهارده وخلاص,,,,, سلام

                                 لأ....المرد دى مش كليك

                طراااااااااااخ

دا الباب طبعا ...............

 

 

 

المره دى هو وهى ... الله أعلم المره الجايه شكلها إيه

وصورنا ما بتخلصش

مستنياكم بأمر الله