بكل البراءه….. و رغم التظاهر…..أعترف بأن بينى و بين الناس و الدنيا…. أزمة ثقه
إعتراف تأخر طويلاً .......إلى صديقى..... أول من شجعنى... أول من زارنى..... أول من واظب على الاهتمام..... صديق جميل.... له عقل كبير..... يسبق سنّه بكثير.... مخلص ووفى.... ومهما قلت عنه لن أفِ بحقه علىّ..... إلى صديقى ...... مظهر الدهرانى
"إملأ عينيك من وجوه الأهل و الأحباء و الأصدقاء
و لا تؤجِلّ إفصاحك لهم عن مشاعرك نحوهم إلى الغدّ
فقد لا يكونون على مسرح الحياه حين يجىء هذا الغدّ""
هاتطفى النور النهارده بالليل بأمر الله … السبت الموافق 28 مارس 2009 …. من الساعه الثامنه و النصف و حتى الساعه التاسعه والنصف …… شفت بسيطه إزاى؟!!
نعم؟!
آه
قولتلى ليه بقى
أقولك أنا
ببساطه برده ….. الأرض قربت تزعل مننا و تعبّر عن غضبها دا بشكل هايتعبنا كتييييييير .."بعد الشر يعنى بعد الشر"
…… أشعة الشمس زى ما بتدخل الأرض عن طريق اختراق الغلاف الجوى بتبقى عايزه ترّوح و ترجع تانى لـ ماما الشمس .. بس إحنا بقى حالفين عليها و مش مخليينها تخرج من الأرض تانى … إزاى بقى؟!! … باختصار كده اللى حابسها غازات إسمها غازات الصوبه الحراريه نتيجة الأنشطه الإنسانيه اليوميه و اللى زادت جداً و بشكل مؤذى و خصوصاً فى ظل الدفايات و التكييفات و السيارات و عوادمها و كل الأجهزه الكهربائيه اللى شغّاله طول اليوم .. كل دا و أكتر بيؤدى لخلق طبقة جديده تحت مستوى الغلاف الجوى و للأسف الطبقه دى غير قابله للاختراق من قِبَل الأشعه الراجعه .. و عشان كده أشعة الشمس بتفضل محبوسه فى الأرض و مش بتخرج .. و بناءاً عليه درجة حرارة الأرض بترتفع .. و الدليل "لأ مش قالوله ^_^) " ….. الدليل إن فصل الشتاء مثلاً السنه دى ماحسّيناش بالبرد القارس اللى كان بيبقى كل سنه و حتى لما كان بيبقى فيه برد كانت بتبقى موجه ..
